This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

9.014   கருவூர்த் தேவர்   திருவிசைப்பா திருப்பூவணம் -

திருவருள் புரிந்தாள் ஆண்டுகொண் டிங்ஙன்    சிறியனுக் கினியது காட்டிப் பெரிதருள் புரிந்தா னந்தமே தரும்நின்    பெருமையிற் பெரியதொன் றுளதே மருதர சிருங்கோங் ககில்மரம் சாடி    வரைவளங் கவர்ந்திழி வையைப் பொருதிரை மருங்கோங் காவண வீதிப்    பூவணம் கோயில்கொண் டாயே.	[ 1]
பாம்பணைத் துயின்றோன் அயன்முதல் தேவர்    பன்னெடுங் காலம்நிற் காண்பான் ஏம்பலித் திருக்க என்னுளம் புகுந்த    எளிமையை என்றும்நான் மறக்கேன் தேம்புனற் பொய்கை வாளைவாய் மடுப்பத்    தெளிதரு தேறல்பாய்ந் தொழுகும் பூம்பணைச்சோலை ஆவண வீதிப்    பூவணம் கோயில்கொண் டாயே.	[ 2]
கரைகடல் ஒலியின் தமருகத் தரையிற்    கையினிற் கட்டிய கயிற்றால் இருதலை ஒருநா இயங்கவந் தொருநாள்    இருந்திடாய் எங்கள்கண் முகப்பே விரிதிகழ் விழவின் பின்செல்வோர் பாடல்    வேட்கையின் வீழ்ந்தபோ தவிழ்ந்த புரிசடை துகுக்கும் ஆவண வீதிப்    பூவணம் கோயில்கொண் டாயே.	[ 3]
கண்ணியல் மணியின் சூழல்புக் கங்கே    கலந்துபுக் கொடுங்கினேற் கங்ஙன் நுண்ணியை யெனினும் நம்ப நின் பெருமை    நுண்ணிமை யிறந்தமை அறிவன் மண்ணியல் மரபின் தங்கிருள் மொழுப்பின்    வண்டினம் பாடநின் றாடும் புண்ணிய மகளிர் ஆவண வீதிப்    பூவணம் கோயில்கொண் டாயே.	[ 4]
கடுவினைப் பாசக் கடல்கடந் தைவர்    கள்ளரை மெள்ளவே துரந்துன் அடியிணை இரண்டும் அடையுமா றடைந்தேன்    அருள்செய்வாய் அருள்செயா தொழிவாய் நெடுநிலை மாடத் திரவிருள் கிழிக்க    நிலைவிளக் கலகில்சா லேகப் புடைகிடந் திலங்கும் ஆவண வீதிப்    பூவணம் கோயில்கொண் டாயே.	[ 5]
Go to top
செம்மனக் கிழவோர் அன்பு தாஎன்றுன்    சேவடி பார்த்திருந் தலச எம்மனம் குடிகொண் டிருப்பதற் கியான்ஆர்    என்னுடை அடிமைதான் யாதே அம்மனங் குளிர்நாட் பலிக்கெழுந் தருள    அரிவையர் அவிழ்குழற் சுரும்பு பொம்மென முரலும் ஆவண வீதிப்    பூவணம் கோயில்கொண் டாயே.	[ 6]
சொன்னவில் முறைநான் காரணம் உணராச்    சூழல்புக் கொளித்தநீ யின்று கன்னவில் மனத்தென் கண்வலைப் படும்இக்    கருணையிற் பெரியதொன் றுளதே மின்னவில் கனக மாளிகை வாய்தல்    விளங்கிளம் பிறைதவழ் மாடம் பொன்னவில் புரிசை ஆவண வீதிப்    பூவணம் கோயில்கொண் டாயே.	[ 7]
இப்பாடல் கிடைக்கவில்லை.	[ 8]
இப்பாடல் கிடைக்கவில்லை.	[ 9]
பூவணம் கோயில் கொண்டெனை ஆண்ட    புனிதனை வனிதை பாகனை வெண் கோவணங் கொண்டு வெண்டலை ஏந்தும்    குழகனை அழகெலாம் நிறைந்த தீவணன் றன்னைச் செழுமறை தெரியுந்    திகழ்கரு வூரனேன் உரைத்த பாவணத் தமிழ்கள் பத்தும்வல் லார்கள்    பரமன துருவமா குவரே.	[ 10]
Go to top

Thevaaram Link  - Shaivam Link
Other song(s) from this location: திருப்பூவணம்

1.064   திருஞானசம்பந்த சுவாமிகள்   திருக்கடைக்காப்பு   அறை ஆர் புனலும் மா Tune - தக்கேசி   (திருப்பூவணம் பூவணநாதர் மின்னாம்பிகையம்மை)

3.020   திருஞானசம்பந்த சுவாமிகள்   திருக்கடைக்காப்பு   மாது அமர் மேனியன் ஆகி, Tune - காந்தாரபஞ்சமம்   (திருப்பூவணம் பூவணநாதர் மின்னாம்பிகையம்மை)

6.018   திருநாவுக்கரசர்   தேவாரம்   வடி ஏறு திரிசூலம் தோன்றும் Tune - திருத்தாண்டகம்   (திருப்பூவணம் பூவணநாதர் மின்னாம்பிகையம்மை)

7.011   சுந்தரமூர்த்தி சுவாமிகள்   திருப்பாட்டு   திரு உடையார், திருமால் அயனாலும் Tune - இந்தளம்   (திருப்பூவணம் பூவணநாதர் மின்னாம்பிகையம்மை)

9.014   கருவூர்த் தேவர்   திருவிசைப்பா   கருவூர்த் தேவர் - திருப்பூவணம் Tune -   (திருப்பூவணம் )

This page was last modified on Sun, 31 Mar 2024 02:36:43 -0400
          send corrections and suggestions to admin @ sivaya.org

thirumurai song